Our News
വാർഷിക പൊതുയോഗം 7-2-2025
അഖില തിരുവിതാംകൂർ മലഅരയ മഹാസഭ വാർഷിക പൊതുയോഗം സംസ്ഥാന പ്രസിഡണ്ട് കെ ബി ശങ്കരൻറെ അദ്ധ്യക്ഷതയില് നടന്നു. ജനറൽ സെക്രട്ടറി വി പി ബാബു റിപ്പോർട്ട് അവതരിപ്പിച്ചു. ഖജാൻജി വി എൻ രുഗ്മിണി കണക്ക് അവതരിപ്പിച്ചു. 6871000 രൂപ വരവും അത്രതന്നെ ചെലവും പ്രതീക്ഷിക്കുന്ന ബജറ്റ് യോഗം അംഗീകരിച്ചു. ഡയറക്ട് ബോർഡിൽ ഒഴിവുവന്ന സ്ഥാനത്തേക്ക് കെ ബി ശങ്കരൻ, പി വി വിജയൻ, എംഐ വിജയൻ കെ ആർ തങ്കപ്പൻ പി ജി മോഹനൻ, പി ബി ശ്രീനിവാസൻ എന്നിവരെ തെരഞ്ഞെടുത്തു. ഭാരവാഹികളായി കെ ബി ശങ്കരൻ പൂമാല, (പ്രസിഡണ്ട്) എം എസ് സതീഷ് കാളകെട്ടി (വൈസ് പ്രസിഡണ്ട്) പി കെ ശശി ഇടുക്കി (ജനറൽ സെക്രട്ടറി) റ്റി ഐ ലീല കോട്ടയം (ജോയിൻറ് സെക്രട്ടറി) പി ബി ശ്രീനിവാസൻ ഉറുന്പിക്കര (ഖജാൻജി) എന്നിവരെ തെരഞ്ഞെടുത്തു.
സമുദായാചാര്യൻ രാമൻ മേട്ടൂരിന്റെ 105-ാം ജന്മദിനാഘോഷം 28/10/2024
സമുദായാചാര്യൻ രാമൻ മേട്ടൂരിന്റെ 105-ാം ജന്മദിനാഘോഷം 28-10-2024 ന് തൊടുപുഴയിൽ നടക്കും. ബഹു.കേന്ദ്രപട്ടികവർഗ്ഗ വികസനകാര്യ സഹമന്ത്രി ശ്രീ.ദുർഗ്ഗാദാസ് ഉയികെ ജന്മദിനാഘോഷപരിപാടികൾ ഉദ്ഘാടനം ചെയ്യും. ഇടുക്കി എം പി അഡ്വ.ഡീൻ കുര്യാക്കോസ്, തൊടുപുഴ എം.എൽ.എ ശ്രീ പി ജെ ജോസഫ്, തൊടുപുഴ മുനിസിപ്പൽ ചെയർപേഴ്സൻ ശ്രീമതി സബീന ബിഞ്ചു, ബഹു.പട്ടികജാതി പട്ടിക വർഗ്ഗ ഗോത്രവർഗ്ഗ കമ്മീഷൻ അംഗം അഡ്വ. സേതു നാരായണൻ, യുവമോർച്ച ദേശീയ സെക്രട്ടറി ശ്രീ. പി ശ്യാംരാജ് തുടങ്ങിയവർ പങ്കെടുക്കും.
കാഞ്ഞിരപ്പള്ളി മേഖലാ സമ്മേളനം 22-8-2024
അഖിലതിരുവിതാംകൂർ മലഅരയമഹാസഭ കാഞ്ഞിരപ്പള്ളി മേഖലാ സമ്മേളനം 25-8-2024 ഞായറാഴ്ച 10.30ന് പുഞ്ചവയലിൽ (എച്ച് ഒ ആഡിറ്റോറിയം) നടത്തും. സഭാ പ്രസിഡണ്ട് ശ്രീ കെ ബി ശങ്കരൻ സമ്മേളനം ഉദ്ഘാടനം ചെയ്യും. ജനറൽ സെക്രട്ടറി വി പി ബാബു, മേഖലാ ചെയർമാൻ പി ആർ ചെല്ലപ്പൻ, ഡയറക്ട്ബോർഡ് അംഗങ്ങൾ, ശാഖാ ഭാരവാഹികൾ, പോഷകസംഘടന ഭാരവാഹികൾ എന്നിവർ പങ്കെടുക്കും.
ആദി ഉഷസ്സ് എഡിറ്റോറിയൽ ബോർഡ് മീറ്റിംഗ് 22-8-2024
അഖിലതിരുവിതാംകൂർ മലഅരയമഹാസഭ പ്രസിദ്ധീകരണം ആദി ഉഷസ്സ് എഡിറ്റോറിയൽ ബോർഡ് മീറ്റിംഗ് 25-8-2024 ഞായറാഴ്ച 2 പി എംന് പുഞ്ചവയൽ എ.റ്റി.എം.എ.എം.എസ് ആഡിറ്റോറിയത്തിൽ കൂടുന്നതാണ്.
രാമൻ മേട്ടൂർ അനുസ്മരണം 14/07/2024
അഖില തിരുവിതാംകൂർ മല അരയ മഹാസഭ സ്ഥാപക നേതാവ് രാമൻ മേട്ടൂരിന്റെ 49-ാം അനുസ്മരണദിനം 2024 ആഗസ്റ്റ് 1-ന് സമുചിതമായി ആചരിക്കുകയാണ്. പൂമാലയിലുള്ള ആചാര്യന്റെ സ്മൃതിമണ്ഡപത്തിൽ പുഷ്പാർച്ചന, പ്രാർത്ഥന, പുരാണപാരായണം, അനുസ്മരണപ്രഭാഷണം എന്നിവ ഉണ്ടായിരിക്കും.rn
ലോക ആദിവാസി ദിനാചരണം 14/07/2024
അഖിലതിരുവിതാംകൂർ മലഅരയമഹാസഭയുടെ ആഭിമുഖ്യത്തിൽ ലോക ആദിവാസി ദിനം 2024 ആഗസ്റ്റ് 9-ന് വിവിധ പരിപാടികളോടെ ആചരിക്കുന്നു.